Buk me Djath

Shalqi me djath

2008-05-20T02:10:00.005+02:00

Foto Flet

Barbunja

2008-05-20T02:10:00.002+02:00

Barbunja

3 kanaçe barbunja
2 kokrra qepë
1 hudhër
Domate (ka diced tomatos në treg për përtacët)
Mish

Meqë nuk ka barbunja në treg tani, në US mund të blini Italian green Beans.

Vini mishin për të zjerë.

PO zjen mishi?
OK.

Në një tigan hidhet pak vaj ulliri që të vijë era vaj ulliri dhe hidhet qepët. Kaurdisini mirë e mirë dhe kur të jenë zvedhur hidhni Barbunjat. ( nëse i keni barbunjat e freskëta, lajini, prijini majat dhe bishtat, dhe zjejini për 10 a 15 minuta, dhe ajdeni tek tigani tashti)

Gërr gërr gërr trazojmë Barbunjat dhe pasi të duken të pjekura mirë..dmth shumë shumë po shumë të zubutura i hidhen domatet me pak lëng.

Lihen në zjarr për disa minuta.

Mishi?

Po mishi?

Kjo e gjitha i hidhet mishit ( nëse ka shumë lëng derdhjani pak) lihet pak në zjarr, dhe pastaj vihet online dhe kot hutohesh se nuk të hahet më.

Domate me Djath

2008-05-20T02:10:00.001+02:00

Domate me djath të bardhë apo gjizë

3 a 4 kokrra domate të vogla
djath i bardhë
Mustardë
Qepë të njoma

Domatet pasi u prihet pjesa e sipërme pak vihen në një tenxhere të vogël dhe zihen për 10 minuta.
Ndërkohë qe vlon uji dhe domatet bashkë në një enë përzihet djathi i bardhë i shkërrmuar, pak mustardë dhe qepë të njoma të prera hollë.

Pasi të zjejnë domatet, i hiqet lëkura (sipas dëshirës kjo) dhe mbushen me djathin e gjëra të mira. Mund të shtoni dhe ndonjë arrë të qëruar.

E mira është të lihen pak në friforifer e të shërbehet të ftohta.
Me buke te thekur ..dhe ajt ca qejfi

Pilaf me karkaleca

2008-05-20T02:06:00.003+02:00

Oriz
Karkaleca
Verë e bardhë
Domate të thata
Djath i grirë
krip piper

Pilaf me Karkaleca

Përgatitet pilafi si gjithmonë... dhe në një tigan hidhet pak verëe bardhë.
Karkalecat merren dhe hidhen në verën e nxehtë dhe lihen të zjejnë. Gjithashtu i hidhet dhe domatet e thata.

Pasi të jetë bërë dhe pilafi dhe karkalecat atëhere bëjmë bashkimin në tigan.
Hidhet pak më shumë verë bashkë me pilafin dhe përzjehet për 2 a 3 minuta.

Darke per 0-2

2008-04-30T21:22:00.002+02:00

Darke per 2:

Njerez: 2
KARrige: 0-2
Mish: 2 cope, pot e blere gati Cordon Blue
Sallate? Po sallate jeshile me portokall dhe me balsamic me mustarde
Biles, biles, dhe sallate Domate Mozzarella
Pjata e pare?
Penne al pesto me panna dhe kerpurdha!!!

Penne al Pesto dhe Panna me Kerpurdha

Vihet uji ne zjarr. Kur te zjeje uji mire, hidhet kripa dhe makaranat, me fal, Pennet!

Nderkohe ne nje tigan te gjere, me zjarr te ulet hidhet pak fare, po fare fare pak vaj ulliri, dhe panna. Lihet te perzihen pak me njera tjetren dhe me pas hidhet pesto dhe kerpurdhat. Ideja eshte qe te behet e mire dhe e trashe, keshtu qe duhet me e perzje gjate gjithe kohes. Nese keni djath tkackavall te grire mund ti hidhni pak, sa per ta trashur.

Kur tjene bere pennet, hidhen ne tigan dhe lihen ne zjarr me gjithe salcen per 3-4 minuta.

Pershendetet dhe Zhyljeni qe na ka mesuar ta gatuajme keshtu.

Pilaf me Veze dhe Mish

2008-04-30T21:16:00.002+02:00

Oriz ( 100 gram )
Mish vici
2 kokrra veze
Domate te thata
Basilic
Kripe piper etj….

Zjehet mishi dhe me lengun e mishit pergatitet dhe pilafi.
(pilafi i ka masat 1 me 2. DMth 1 gote oriz do 2 gota uje te ngrohte. Ne fillim vihet pak gjalp apo vaj ulliri dhe perzihet orizi gjeri sa te marri nje ngjyre tjeter ( dmth te lyhet n’voj) dhe ii hidhet uji) ( Ne rast se sdoni te perdorni vajra, atehere mund ta beni me vere te bardhe)

Nderkohe qe pilafi zjen me zjarr te ulet per 20 minuta, mishi vihet per tu skuqur.
Pasi te kene mbaruar te jgitha keto. Pilafi hidhet ne nje pjate te gjere.
Rrihen vezet dhe mund ti hidhni ereza dhe barishte, dhe perzihet me orizin.
Hahet sa me shpejt, se te jete me e shijshme

Bukë Misri

2008-04-15T20:13:00.004+02:00

Duhen:

1/3 gotës (cup) Miell
1 1/3 gotës Miell Misri
Pak sheqer, Kripë
1 gotë Kos apo Sour cream
1 kokërr vezë
2 lugë vaj ulliri
Një lugë sodë buke
NJë lugë Baking Powder

Përzihen të thatat bashkë.
Në një pjatë të veçantë përzihet kosi veza dhe vaji i ullirit. Unë zakonisht këto kriprat dhe sheqernat i hedh bashkë me vezën. Këtë përzierje ua hedhim miellit, dhe i punojmë së bashku ( më mirë me një lugë apo spatul) gjerisa mos të ketë ngelur gjë e thatë.
Nëse nuk qullen të gjitha, mund ti hidhni pak ujë të ngrohtë.

Ndërkohë që punojmë brumin (merr fare pak kohë, max 10 minuta) ndezim furrën në 400 Gradë Farhenheit, dhe fusim tavën ku do të vendosim brumin.

Pasi ta kemi përgatitur brumin,
Marrim tavën (e nxehtë tava tashi, kuptohet)
I fusim brumin dhe e lejmë në furrë po me 400 gradë për 20 a 25 minuta,

Hahet ashtu e nxehtë me gjalp, djath dhe qepë të njoma.

Updejt

Del shumë e mirë gjithashtu dhe me Pesto dhe me Parmiggiano.
Apo me djath të bardhë të grirë dhe me domate të thata.

Oh...çna gjeti..vetëm bukë misri duke ngrënë.

Ali Baba

2008-03-18T05:11:00.002+01:00

Imam Bajëlldi po hë,
Po kot mu kujtu Ali baba!

2 a 3 patëllxhana
çerek kile mish të grirë
Gjysëm qepe ose një
4 thelpinj hudhre
Pak kos
Pak djath
Kërpurdha

Patëllxhanët priten përsëgjati dhe skuqen në vaj të nxehtë.
Pasi ti keni pastruar mund ti bëni një kanal të vogël në mes.

Ndëkohë skuqet dhe mishi i grirë me qepët dhe hudhrat.
Si gjithmonë, në fillim vihen qepët dhe hudhrat, dhe më pas mishi i grirë që të marrin më shumë shije.

Këtë e përziejmë dhe me kërpurdhat, pak djath dhe pak fare kos, ( nuk kisha salcë domate) dhe i vejmë mbi patëllxhanët.

I fusim në furrë mesatare për 20 minuta.

SHkojnë shumë mirë me kos.

Bukë me gërsheta

2008-03-18T05:00:00.007+01:00

Ku iku dieta??
Ku iku dieta?

Dieta në frigorifer plot me shenja yndyre.

Tani kjo është buka ime e preferuar, sidomos në Zvicër kushtonte 2.80 Franga tek Migros. Oh, sa e mirë ishte. Quhet Zöpf më duket andej.

Shih sa kollaj bëhet

Gjys Kile Miell
3.5 Dl Qumësht
Gjalp 50 gram (ose më pak)
Kripë/sheqer
Sodë Buke
Maja birre
Një të verdhë veze

Ato të gjitha më sipër përveç të verdhës së vezës mixohen për disa minuta, gjersa të marri formë brumi. Dmth përvishen mëngët dhe fillohet puna .
Dhe kuptohet pse të gjithë bukpjekësit janë më së shumti meshkuj, se do duar mashkulli ajo punë dhe do energji.... sa për femrat, hm... ja gurabijet mirë shkojnë.

Pasi të bëhet brumi, lihet për një orë i mbuluar me një copë leckë.

Pas një ore, ose dhe më vonë ska problem, fillojmë punën.

Në fillim,
DO bëjmë shiritat
3 a 4 shirita për bukë. ( lëvizja për 4 cope , njëshi pas treshit, katra pas njëshit, dhe kështu me rradhë) (ose me tre, bëni gërsheta)

Pasi të ketë marrë formën e bukur bukur, lihet dhe pak jashtë që të fryhet më shumë, dhe para se të futet në furrë me 200 gradë celsius,lyhet sipër me të verdhën e vezës.

Hahet e ngrohtë dhe me djath.

Kala Dibronçe me Patëllxhana dhe Kunguj

2008-03-18T04:51:00.004+01:00

Dhe djath...dhe shumë gjëra të tjera....

2 patëllxhanë
1 kungull
Djath Danez
Arra të qëruara
1 k... Domate
Një qepë të ndarë me fletat
Erëza
një Zemër të mirë
dhe nerva për të gatuar
dhe një furrë dhe tigan

Patëllxhanët dhe kungujt priten vertikalisht që të bëhen rrathë rrathë, lihen në kullesë për gjysëm ore dhe vihen për tu skuqur në një tigan me vaj për 5 minuta.
Mund ti vini dhe në furrë gjithashtu me ujë për 30 minuta dhe ti lini të piqen atje, po kjo puna e tiganit është më e shpejtë.
Më pas, (angari o angari) fshijini mirë e mirë që të mos u lini shumë yndyrë.
Sa më i nxehtë të jetë vaji i skuqjes aq më pak thithin këto vaj, po sërish xhelatinë bëhen dreçkat.

Djathin Daney (danez nga ai i buti, apo double cream feta në US) e përziejmë me arrat dhe me erëza. (kam kohë që i kam gatuar smë kujtohet mirë)

Bëjmë shtrimin. Dmth unë bëra shtrimin..

Një rrumbullake Patëllxhan
NJë rrumbullake kungull
Një fletë qepë
Djathi me arrat
NJë rrumbullake patëllxhan apo kungull
Një copë domate.

Ashtu vihen në furrë për 15 minuta.

Kek me rrush te thatë

2008-03-18T04:48:00.003+01:00

5 kokrra veze
miell
Sheqer
1 gote kos
1 gote vaj
rrush te thate
kakao
Arra
Sode buke

Rrihen mire vezet dhe i hidhet kosi dhe vaji.
Pasi te jene perziere mire e mire, fillohet i hidhet mielli pak e nga pak, dhe sheqeri gjerisa brumi te behet gjysem i trashe, dhe te mos rreshkase kollaj nga luga. ( dhe nderkohe mund te filloni ta hani ashtu sic eshte pasi eshte shume e shijshme).
I hidhet dhe rrushi i thate.

Ne taven speciale ( nga ato me vrime) per kekun hidhet afersisht 90% e mases. ( ose 80% nese iu pelqen me shume brumi me kakoo)
mases qe ngelet i hidhet kakao , perziehet mire. Lepihet, hahet...dhe vihet ne furre me 220 Grade.

Pas 1 ore eshte gati...dhe me zemer te thyer hahet, se si brumi nuk ka!

Tavë Dimonçe

2008-01-28T08:20:00.001+01:00

Ca behet? Kur duam te hame nga te gjitha....po jooooo....duhet me mbajt diete!

Tavë Dimonçe (Tavë kosi në ditë të djelë)

Duhen:

Mish Qëngji
3 presh të qëruar e të prerë
1 Patëllxhan i prerë

Kos 500ml
miell një lugë
2 kokrra vezë

Kripë, erëza
gjalp
Vaj ulliri

Mishi, preshi dhe patëllxhani vihen për tu zjerë, ndërkohë që ndizet furra.

Pasi rreth 20 minutash, hiqini nga zjarri dhe vendosini në një tavë TË LYER me gjalp ose me vaj ulliri.
Futeni tavën në furrë, duke e përzjerë herë pas here gjeri sa të piqet pak mishi.

Sa herë që shkoni për ta përzjerë (me delikatesë, që mos prishni prasin) nëse janë të thatë, mund ti hidhni pak nga lëngu i mishit. (nëse nuk e keni derdhur , kuptohet)

Kur duket se janë gati për tu pjekur në perfeksion,
Në një tas rrihni vezët dhe më pas hidhini kosin dhe miellin. Pasi të jetë bërë pak si masë e trashë, hidhini dhe kripën.

Këtë më pas e hidhni në furrë dhe e lini për 15 20 minuta.

Oh, ishte shumë e mirë. Eksperiementi të vriste zemrën!

Lëpirëse Fshatare

2008-01-11T04:42:00.001+01:00

Bravo! Bravo! se më gëzoi shumë shpikja ime e re.
Ia gjeta dhe emrin : Lëpirëse Fshatare

Duhen:

Qepë të njoma
Ullinj
Chevre (goat cheese) ose Gjizë

SHihni fotot...ska nevojë për shpjegim.

Në punim e sipër do gjejmë si të bëjmë dhe të njëjtën lërpirëse të skuqur.
Provat e para dështuan, se u hap djathi. Meqë na mbaruan qepët e njoma atëherë ekperimenti shtyhet.

Oh....më ikën 3 qepë kot në tigan:)

Kunguj me salce Shege

2008-01-11T04:41:00.001+01:00

Duhen:

Tre kunguj
Pak mish viçi i prepë në copa të vogla
vaj ulliri

për salcën:
Lëng SHEGE (Shegën shtrydheni)
pak verë e kuqe
Pana
djath i thërrmuar.

Kungujt e prepë dhe mishi i viçit vihen në tigan dhe skuqen.
Kur ti vini për skuqja, kontrolloni nëse keni hap aspiratorin apo penxheret.

Ndërkohë që skuqen këto gjëra të mira, në një tenxhere të vogël, hidhet pana dhe djathi i thërrmuar. Sa ngrohen pak i hidhet lëngu i SHEGËS dhe vera e kuqe.
Lihet në zjarr për pak, sa të trashet. 3 minuta para se ta hiqni, hidhini pak kripë.

Ah....dilte e mirë! seriozisht , ia vlente ta bëje një SHEGË kurban!

Kadaif!

2007-12-29T20:11:00.001+01:00

Për inat të gjithë atyre viteve që kam prit të haja kadaif!

Një gjë për të ditur mbi kadaifin: NUK KA GJË MË TË LEEEEEHTË !!!!

Duhen:

Gjys kile kadaif
Arra të qëruara (më mirë ti qëroni vetë)
200 Gram Gjalp

Shërbeti:

4 gota sheqer ( kam përdor sheqer të bardh dhe kaf)
3 gota ujë.

Kadaifi shkriftohet mirë e mirë. Vendose në një tavë të lyer me pak gjalp.
Vendoset një shtresë kadaif.
Një shtresë arra.
Një shtresë kadaif.

Gjalpin e shkrijmë dhe ia hedhin përsipër.

E fusin në furrë 250, për 20 min.

Pasi e heqim nga furra e lejmë të ftohet.

Përgatisim shërbetin.
Unë e bëra të hollë, nuk e lashë shumë të trashej.
Shërbetin ia hedhim kadaifit të ftohtë.

Dhe ja , më thjesht se kaq nuk ka.
E vetmja gjë është nëse nuk doni të ngrini pesha, atëherë hidheni shërbetin me GARUZHDE.

Për qejf, o sa mirë je moj ëmbëlsirë.

Buk e zez si prej Normandie

2007-12-17T05:07:00.002+01:00

po 7 dollare ama......aaaaaaaaaaaa!!!!!!!

Ore Kungull!!!

2007-12-17T02:14:00.002+01:00

Duhet të gatuaja Kungujt në frigorifer, pasi kisha frikë se do më prisheshin ...

qe baba:

Kunguj të mbushur

Duhen

4 kunguj
Patate të vogla të zjera
Djath të bardhë
hudhra
Kërpurdha

Kungujt priten për së gjati dhe më pas ndahen copat në dysh. Dmth çdo kungull i bie të nxjerri 4 copa.
Me një lugë i heqim të brendshmet, dhe formojmë një tip varke.

Patatet i zjejmë dhe i bëjmë si pure dhe i përziejmë me djathin dhe kripë a piper, ça tiu kapi dora.

Në një tigan skuqim hudhrat dhe kërpurdhat. Këto ua hedhim sipër patateve, dhe më pas mbushim kungujt.

I fusim në furrë të ngrohur për 15 minuta.

Kunguj si torta

2 kokrra vezë
3 kunguj
një kokërr qepë
Djath i bardhë (ose parmiggiano)
kërpurdha
një thelpi hudhër
patate pure
thërrime buke

KUngujt i presim hollë hollë , gjithashtu dhe qepën dhe hudhrat dhe i vejmë të skuqen bashkë me kërpurdhat.

Vezët i rrahim dhe u hedhim puren e patateve dhe djathin.
Më pas i hedhim dhe të gjithë këto të skuqurat (pasi ti kemi pastruar për ti hequr yndryrën)

I vendosim në një tavë për Cup Cake, dhe u hedhim thërrime buke përsipër.
Lihen në furrë për 15 minuta.

Hahen gjithë qejf

pite me ton

2007-12-15T02:03:00.003+01:00

Dita e fundit para pazarit.

kemi
një pite
një gjys kastraveci
pak djath
Ton
qepë
Ranch Sauce

Tonin dhe qepët i skuqa pak jo shumë, pa u bërë qepët shumë të verdha.
Piten lyejeni me ranch (më mirë salc kosi) dhe hidhini djathin dhe tonin me qepët.
Mund të hahet dhe duke ec!

Buk me Salmon

2007-12-15T02:03:00.002+01:00

Salmon i tymosur
Tapenadë
2 feta bukë të thekura
Djath
Piper

Akoma më e lehtë për tu bërë.
Në kohën që theken bukët, mund të prisni salmonin dhe ashtu me bukë të thekura, lyejini me tapenadë apo gjalp ose salcë kosi, dhe vendosni një fetë salmoni. Hmmmm

ose merrni salmonin, vendosini djath në mes, dhe rrotullojeni.

Nuk ka më shumë se 130 kalori.

Topa Gorgonzole (lirë/shpejt part 2)

2007-12-12T04:46:00.002+01:00

Më kollaj nuk ka.

Duhet gorgonzola dhe erëza të ndryshme të vendosura në një pjatë.

Gorgonzola Thërrmohet dhe pastaj merret dhe mundohuni të formoini topa me duar. Rrotullojeni topin në erëza.
SHkojnë shumë me carb Cakes, dhe gjithashtu për appetizers.

Mund ti bëni me Chevre

Lirë/Shpejt/ "Crab/Shrimp Cakes" part.1

2007-12-12T04:39:00.002+01:00

1 konserve Gaforre
1 konserve Karkaleca
2 luge majonez
1 kokerr veze
Kripe/piper
Therrime buke

Përzihet veza me majonezin dhe më pas i hidhen gaforret dhe karkalecat (të thërrmuar).

Përzihen mirë e mirë gjeri sa të të trashet mirë, dhe fillojmë e formojmë topa apo forma vezake. I lyejmë me thërrimet e bukës dhe i vejmë për ti skuqur max 4 minuta.

Mund të shoqërohen me salcë tartar.

Unë i hodha dhe ca mustardë dhe ca qepë të njoma

Shttt!

2007-12-11T10:38:00.001+01:00

E para, qe kam bere nje aksion te papare, duke pastruar me letra/rroba/dokumenta/dhoma, tu shkrujt letra, verdalle, vara vingo, aiiiiiii, 9 ore , shume lek pazar.... dmth shume e zenme

E dyta, skam pike fuqie, me shkrujt,

e nenta ( ska nevoje me i marre nr me rradhe) i pashe keto fotot, dhe thashe, po i vej, se mendova qe do ti pershkruaja...po ju befshin mire, se gjera te thjeshta jane.

e dyta, me cmeni ky blogu, se me ftofet ushqimi duke kerku aparatin!!! ( Arushi fotograf)

e shtata...mflihet gjume

Spinaq

2007-12-07T08:53:00.002+01:00

Spinaqi, Spinaqi, Spinaqi :):)

Kjo është nga ato ditët kur përton shumë për të gatuar. Kështu që unë nga lodhja dhe hutimi, bëra spinaqin më të thjeshtë që mund të bëjë njeriu.
Dhe ....rezultati....Më i shijshmi që kam ngrënë ndonjëherë.

1 tufë spinaq
2 lugë gjelle oriz
një thelë mishi,

Pastrohet spinaqi mirë e mirë. Në një tenxhere vihet ujë për tu zjerë, dhe kur të valojë uji i hidhet spinaqi, dhe lihet në zjarr për 2 a 3 minuta. Kjo proçedurë përsëritet 2 herë.
Pasi ta kemi la, pastru, zjerë, (ça nuk i bëmë spinaqit moooo) e vejmë përsëri në tenxhere ( me ujë të pastër) dhe i hedhim kripë, mishin dhe orizin.

Dalim në ballkon, hutohemi për 10 minuta.

Uaaaaa, sa e shijshme del, kështu e thjeshtë fare.

Prapë buk???

2007-12-06T02:25:00.001+01:00

Si menuja e bukëve të vogla të dikurshme, (kliko këtu për menunë) por këtë herë në miksim e sipër i vura ca ullinj të prerë hollë dhe gjithashtu pasi i futa në furrë, u hodha përsipër
Mozarella
Hudhra te shtypura mirë.

Dhe gjeta një mënyrë që për mua është e shijshme.

Buk e ngrohtë
Pak tapenadë me gorgonzola,

Ose Buk e ngrohtë me gorgonzola dhe mandarina.

Ose të treja sëbashku, por tani nga darka se buk buk bëhet dhjam.

Patëllxhana rrumbullak strumbullak

2007-12-06T02:23:00.001+01:00

Duhen

3 patëllxhanë të prerë për së gjati
salcë domate
Ton konservë
Djath
Ullinj
kripë, piper

Patëllxhanët vendosen në një enë plot me ujë dhe futen në furrë. Lihen për 20 minuta, a derisa të piqen duke i kthyer herë pas here.

Ndërkohë që piqen, përgatitet salca. (tani, kjo salca në bazë është me ton, por unë i hodha dhe çfarë kisha në frigorifer...po se mbaj mend)

Toni përzihet mirë e mirë me salcën e domates, dhe me djathin. I hidhet kripë.

Pasi të jenë pjek a zjerë a të jenë gati më mirë patëllxhanët, i nxjerrim nga furra dhe i vendosim në një tavë për muffins.

Ideja është që të krijohet një tip globi me patëllxhanët dhe salca të jetë në mes.
Kjo arrihet me këtë lloj tave dhe me vendosjen treshe (a kryq) të patëllxhanëve.

Futen në furrë dhe lihen për 10 minuta.

Mund të shërbehen me salcë domate plus salcë tartar.

të reja

2007-12-04T08:48:00.001+01:00

Kemi qenë shumë pa karar tha kështu që skena prek sobëra që mos bënim ndonjë zarar, vetëm pite kemi ngrënë, të pjekme, të djegme, të vajosme. pite të shumëllojshme.
Pite me djath ditën e parë
pite me ullinj të dytën
pite veç me kripë të tretën
Pite në plehra të katërtën se erdhi kartagjena në gjendja mbi zero.

Po për ditët që vijojnë,(dmth gjona që kena tret para ca ditësh) ka
patëllxhanë rroumbullak stumbmullak me ton brenda
makarona
supë prapë me makarona
(prit se po shof fotot, se nuk mbaj mend çkam gatu)
uuu, dhe fërgesë me mëlçi.

nesër skam kohë, po pasnesër kena mish. (ditë feste)

Tapenade

2007-12-04T08:36:00.000+01:00

Unë mbaroj për Tapenadë ose ndryshe ulli të shtypur, kështu meqë më hipi kot në mendje para 2 javësh vendosa ta bëja vetë.

duhen:

150 gram Ullinj
50 gram Caperi
50 Gram cironka
2 thelpinj hudhra të shtypura

vaj ulliri
Kripë
Piper
Limon

Në një mixer vendosen 4 përbërësit e parë dhe lihen gjersa të bëhen si salcë.
Më pas mixerin ktheheni tek Shpejtësia më e ulët, dhe filloni ti hidhni vajin e ullirit nga lart. dhe pak lëng limoni.

Kujdes tani me Cironkat, se ndonjëherë janë shumë të kripura, kështu kripën vendoseni andej nga fundi, se ka mundësi të mos keni nevojë fare për kripë.

Shkon shumë me baguette të thekur.
P.s. unë nuk kisha baguette, por kam ende tapenade, në rast se do kem baguette.

Pilaf me perime dhe mish qëngji

2007-11-27T02:23:00.003+01:00

Tigan i gjerë
Tenxhere mesatare

Mish qengji
50 gr oriz
1 kungull
1 karrotë
1 kokërr qepë
jeshilliqe
40 gr kërpurdha
rrush i thatë

Zihet mishi në tenxhere, dhe i njëjti ujë përdoret për të zjerë orizin. (masa 1 me 2)
Në një tigan vihen për tu skuqur qepët, kungujt dhe karrotat. Lihen me zjarr të ulët për pak kohë dhe u hidhet dhe mishi.
Pasi të jetë lënë orizi për 10 minuta për të zjerë, hidhet në tigan dhe i hidhet pak nga uji i mishit. Lëhet të zjejë duke u përzjerë për 10 minuta a më shumë. Në fund i hidhen ca kokrra rrush të thatë.

SHoqërohet shumë mirë me kos.

Pilaf me perime dhe mish qëngji

2007-11-27T02:23:00.002+01:00

Ja pse kena qenë të zënë

2007-11-24T05:07:00.000+01:00

Se skemi pas kohë, dhe të mërkurë të enjte ishte një gatim i paparë....por ama si shpërblim, kishim shumë gjëra të mira ndër të cilat dhe Konjak Skënderbeu që siç thotë S. ta merr ndërgjegjen pas 2 gotash.

Tarte Tatin

2007-11-24T05:04:00.000+01:00

4 mollë të qëruara
Verë e kuqe
Sheqer i kuq 150 gr
Gjalp 100 gr
Rrush i thatë

Bëhet njësoj si menuja e mërparshme që gjendet këtu, por ama, mollët pasi të jenë të qëruara lihen në një enë të mbushur me verë të kuqe. KJo i shton më shumë shijen.
Këtë herë, nuk përgatita brumin po e bleva të gatshëm.
Këtë uikend kam bërë 4 copë, dhe 1 orë e gjys vetëm duke qëruar...aiiiiii

Kjo ideja që i hodha verë, e bënte tarte Tatin shumë shumë më të shijshme.

Shoqërohet me krem apo me akullore ose ndryshe "a la mode".

Shkon shumë me konjak apo uiski.

Trahana

2007-11-24T04:58:00.000+01:00

Trahana
Bukë jo e njomë, më së shumti kore buke
Djath
Ujë
Vaj ulliri ose gjalp i skuqur

Vihet uji në zjarr bashkë me trahanan. Për 10 minuta përzihet gjersa kokrrat e trahanasë të zjejnë mirë e mirë.

Merret korja e bukës dhe ndahet në copa të vogla dhe hidhet në një pjatë.
I hidhet trahanaja, dhe sipër i hidhet djath i copëtuar dhe vaj ulliri ose gjalp i skuqur.

Zakonisht i hidhet dhe piper i kuq. Oh....nuk ka gjë më të mirë në një ditë të ftohtë.

Pak sallam i skuqur apo salçiçe do ishte një shtesë shumë e mirë.

P.s. ajo buka është e bërë vetë..

Petulla

2007-11-24T04:55:00.000+01:00

2 gota miell
1 gotë kos
erëza të prera mirë
pak sodë buke
Kripë

Përzihen të gjitha këto sipas menusë së Enit, dhe vihen në zjarr të nxehtë. Hahen shpejt e shpejt me djath apo ndonjë gjë tjetër.(sheqer a ku ta di unë)

Gjellë me presh

2007-11-24T04:54:00.000+01:00

Presh (1 kg)
Qepë (1 kokërr)
Mish viçi (1 kg)
Vezë 1kokërr
Miell 1 lugë gjelle
Kos 2 lugë gjelle
Lëng Limoni sa tkeni qejf
Vaj ulliri 1 lugë gjelle
2 thelpinj hudhra
erëza të ndryshme (jeshillëqe)

Tenxhere e madhe
Tigan i gjerë
Tenxhere e vogël

Zihet Mishi dhe ndërkohë që zihet në tigan i vihet vaji i ullirit.
Priten dhe pastrohen qepët dhe preshët dhe vihen në tigan. Pasi të kenë marrë një ngjyrë të errët, hiqen nga zjarri dhe i shtohen mishit në tenxhere.
(e mira është që të mos përdorni ujë çezme për gatimet tuaja).

Rrihet veza dhe përzihet me kosin dhe miellin. Mund ti hidhen dhe erëza të ndryshme.
Shtypen hudhrat dhe i hidhen masës së përgatitur. Pasi përzihen mirë e mirë vendosen në tenxheren e vogël, dhe lihen në zjarr duke u trazuar për 5 minuta.

Pasi të ketë zjerë mirë e mirë mishi dhe prasi bashkë me qepët. Hiqet nga zjarri tenxherja, lihet të ftohet dhe i hidhet masa që u përgatit në fund.
Hahet me lugë të madhe.

Mish Viçi me salcë K.

2007-11-17T22:03:00.000+01:00

Ideja ishte që kisha harruar të fusja mishin në ngrirje, dhe duhej ta gatuaja sa më shpejt.

çfarë kisha në frigo:

Për mishin:
Mishin (domosdo)
Kërpurdha
Balsamic Vinegar
Qepë Shallots
Hudhra
Vaj ulliri
Majdanoz, borzilok, dhe ca jeshillëqe që sua di emrin

Për Salcën (se nuk më hahej mishi i thatë)

1 kokërr vezë
Miell
Limon
Mustard
Lëng Mishi
Sour Cream
Arra

Atëhere fillojmë me mishin...mishi mish!
Zihet mishi për 10-15 minuta, duhet të kihet parasysh që mishi i viçit zjen shumë shpejt, se është i mirë prandaj.
Në një tigan hidhen qepët dhe hudhrat në vaj ulliri me një zjarr mesatar.
Pasi të ketë zjerë mishi, u hidhet qepëve.
Lahen jeshillëqet dhe përzihen bashkë me kërpurdhat dhe me Balsamic Vinegar.
E gjithë kjo masë i hidhet mishit dhe gjithashtu kripë piper, dhe ndonjë erëz që në këtë rast ma kapi dora dhe se mbaj mend ça ishte.
Piqen në zjarr të mesëm për 10 a 15 minuta.

Në një tas rrihet veza.
Shtrydhet limoni, dhe i hidhet vezës dhe gjithashtu disa lugë gjelle sour cream.
Vendosen në një tenxhere të vogël, me zjarr të ulët, dhe përzihen mirë e mirë, dhe u hidhet një lugë gjelle Miell. Vazhdon përzierja.
Në fund, merret pak sour cream, përzihet me mustardën dhe me arra të qëruara, dhe i hidhet kësaj mase.

Shërbehet normalisht me mishin në një pjatancë dhe salca në një tas për salca dhe i hidhet mishit përsipër. Lëpihen gishtat në fund.

hiaaaaaaaaa

Pain Au Lait

2007-11-17T21:54:00.001+01:00

Më kish marrë malli për ca Sanduiçe të Zvicrës me gruyere...kështu pa shance për të gjet të njejtën bukë....dola në konkluzionin...

600 gram Miell
300 ml Qumësht
1 lugë çaji kripë
1 lugë gjelle sheqer
maja birre
Sodë buke
1 kokërr vezë

Merret të gjitha këto, hidhen në një tas dhe rrihen e rrihen mirë e mirë. Punohet brumi, dhe mbulohet me një letër alumini dhe lihet për 1 orë që të fryhet.

Më pas ndahet në forma të vogla, dhe lihet dhe një orë tjetër.

Pas këtij dy orëshi, që duket si 2 vjet, vihen në furrë të ngrohtë me zjarr të mesëm. Pas 20 minutash janë gati.

Qofte Kungujsh

2007-11-12T03:31:00.001+01:00

duhen:

2 kunguj
djath
thërrime buke
qepë 1 kokërr
2 qepë të njoma
hudhra
vezë
djath
erëza
Miell

Kunguj priten dhe vihen për tu zjerë për dhjetë minuta me pak kripë.
Qepët vihen të skuqen, dhe pasi të kenë marrë pak ngjyrë u hidhet hudhra dhe pas 5 minutash hiqen nga zjarri.
Djathi përzihet me thërrimet e bukës, qepën dhe erëzat.

Kungujt pas zierjes, shtrydhen mirë e mirë sa ti dalë i gjithë uji, dhe vihen në një enë të thellë, dhe aty hidhen dhe të gjithë përbërësit e tjerë.

Merren pak nga pak, bëhen në formë topash duke i rrotulluar mirë nëpër duar, dhe bëhen pak petashuqe, lyhen me miell dhe skuqen.

Hahen pastaj

Speca te skuqur me djath

2007-11-12T03:28:00.001+01:00

Duhen:

3 a 4 speca
2 kokërr vezë
miell
djath
erëza

specat priten pergjysem dhe pastrohen. Vihen për tu pjekur, dhe pas pjekjes, lihen të ftohen dhe u hiqet lëkura.

Në një enë përzihet një kokërr vezë, djathi dhe erëzat.

Merren 2 pjata. Në njërën hidhet mielli, në tjetrën veza e rrahur.

Merren specat e qëruar, vendosen një herë në miell, më pas tek veza, dhe përsëri në miell.
Mbushen me djathin dhe erëzat, dhe mbyllen si të ishin të paprerë, dhe vihen për tu skuqur.

Buk misri

2007-11-12T03:24:00.001+01:00

1/2 filxhan miell i bardhe
1 1/2 filxhan miell misri
1 luge sode buke
1 luge kripe
1 kokerr veze
pak sour cream apo kos
dy luge vaj
kripe
piper

Perziejme miellrat dhe soden e bukes, dhe kripen,

Ne nje ene rrahim vezen dhe i hedhin kosin dhe vajin.

I perziejme te gjitha dhe i vendosim ne nje tave qe mundesisht te jete e nxehur ne furre.
Lihet ne furre per 20 min!
hahet per 2 dite:)

Mus'haka mos Mu Haka

2007-11-09T08:12:00.003+01:00

Ueee....unë kisha pak uri. Dhe kisha nxjerrë mishin e grirë, por nuk doja të bëja bolognese ...kështu shkova dhe ja gatova moussaka.

Në tavolinë:

Një patëllxhan
2 Kunguj
2 qepë
3 thelpinj hudhre
2 domate
Mish i grirë
Merlot (gjys shishe)
2 të bardha veze
Erëza
pak vaj ulliri
vaj spray

Beshameli
2 të verdha veze
një koqe ve
djath Parmiggiano ( mbaroi)
mozzarella
djath të bardhë (pak fare)
Miell (1/3 filxhanit)
Qumësht (1 1/3 filxhanit)
Pak gjalp

Priten kungujt dhe patëllxhanët. I hidhet kripë dhe lihen në një kullesë poshtë çezmës për disa minuta.

Vendosen në furrë për dhjetë minuta. Dhe lihen të ftohen. (Furra lihet e ndezur...fatura vjen muajin tjetër)

Në një tigan vendoset mishi i grirë dhe pak vaj ulliri lihet gjersa mishit ti iki ajo ngjyra e roztë që ka. Unë i hodha verë që në fillim. Pak ama+

I hidhen qepët, domatet dhe hudhrat e grira. Lihen në zjarr për 5 minuta.

Merren 2 të bardhat e vezëve. Rrihen mirë e mirë dhe u hidhen erëzat.

I hidhen mishit të grirë dhe më pas ktheni gjithë shishen e verës dhe liheni në zjarr të mesëm për disa minuta.
Hidhet dhe kripa dhe erëzat që keni qejf. Zakonisht unë përdor erëzat që janë në fillim të dollapit.

Në një tenxhere të vogël hidhet gjalpi, qumështi dhe mielli dhe përzihen gjatë gjithë kohës. Pasi të trashet i hidhen të verdhat e vezëve bashkë me vezën ( që i bie ti keni rrafur mirë përpara...).
vazhdoni ti përzieni...
Unë kisha një dorë përzieja mishin, tjetrën beshamelin. Dhe më kruhej hunda!!!
Më pas i hidhet djathi dhe në doni kripë apo dhe erëza të tjera.

Vendosen në furrë.
Një rresht me patëllxhana/kunguj.
NJë rresht me mishin e grirë.
Një rresht me patëllxhana/kunguj
Një rresht me beshamel

Vendosen në furrë dhe lihet gjersa beshameli të ketë marrë një ngjyrë më të verdhë.

Ta dija, kisha bërë Mish Tartar.

Salmon i pjekur në furrë

2007-11-08T02:31:00.000+01:00

Salmon
1 kokërr qepë
1 domate
gjysëm limoni
Capers

Vendosen qepët në një letër alumini.Sipër i vihet salmoni.
Salmonit i hidhet pak kripë dhe lëng limoni.I vihen përsipër Domatet dhe qepët, limoni.

Mbështillet me alumin. Bëhen disa vrima tek alumini që të mos pëlcasi.

Lihet në furrë të graduar nga mesi i asaj gjësë që rrotullohet për 25 minuta.

byrek më mirë kur i blen 200lek

2007-11-08T02:25:00.000+01:00

Po po , e kam menduar disa herë, kur përtoj të gatuaj dhe them, ah...për 250 lekë, blej një byrek, dhe jam në rregull, apo 300 lek një sfoliat tek liceu.

Por mendimet...vazhduan ndërsa une po gatuaja

Byrek me domate dhe qepë

Qërohen domatet he qepët ddhe priten shumë hollshëm e vihen në një tigan për tu pjekur.
Hapen petët ( të gatshme...i ka bërë frëngu ditë përpara)

dhe vendoset masa e përgatitur. mbështillet...unë bëj më së shumti tip trigonash, dhe futen në furrë në një temperaturë mesatare.

Byrek me djath dhe spinaq.

Djath
Vezë
Kos
Spinaq i zjerë

Përzihen të gjitha këto ingredientet, dhe si më sipër, masa i hidhet petëve, futen në furrë.

F!erkohen duart mirë e mirë dhe pritet sa të piqen.

Patate në furrë me djath dhe limon

2007-11-08T02:20:00.001+01:00

Nuk kisha mish në frigo, dhe nuk më gatuhej asgjë që mbante karbohidrate, nuk po mu hanin, kështu një sy dollapit dhe në kërkim e sipër u gjetën:

Patate të reja
Karrota të vogla
Qepë (një kokërr)
Domate
Djath,sour cream
Ullinj
Parmiggiano (akoma ska mbaru)
2'3 Limona

Redaktuar me vone:(pasi mu kthy kujtesa)

Zihen patatet dhe karrotat në një tenxhere me pak kripë.
Ndërkohë merret djathi dhe kremi (sour cream, apo ricotta) dhe përzihen. I hidhen dhe ullinjtë. Dhe pasi të jetë bërë një masë e mirë.
PRovohet....hm...dhe hahet pak, dhe i hidhen dhe disa erëza.

Limonat shtrydhen
Merren patatet , qërohen dhe priten.
Vendosen në një tavë. Dhe përzihen me masën e përgatitur.
I hidhet lëngu i limonit. Dhe pak ujë, dhe futen në furrë.

Nëse patatet janë të zjera mirë, pjekja do marri më pak kohë.

Ndryshime ne Faqe

2007-11-07T08:42:00.000+01:00

Popo ndryshime,
se pervecse , e kam filluar diten me ratio 1:2 lajme te keqija,
Dmth 1 ne dy njerez qe takoj apo flas me jep nje lajm te keq,
tani qe erdha te pija nje cigare, dhe te beja nje post te ri, per patate dhe byrek, shoh qe hackerizmi kishte marre udhen!

hmmmm, hackerizmi...

keshtu qe tani e tutje, duhet me shkrujt ca shkronja nese doni te shkruni komente...
nese nuk doni te shkruni shkronjat, atehere, pohoni me koke, dhe e kuptojme!

Speca dhe Domate të mbushura me mëlçi

2007-11-01T01:54:00.001+01:00

Speca
Domate
Mëlçi
Djath
Kërpurdha
erëza
Krem Djathi
Oriz
Lëng Mishi
verë e kuqe

Specat dhe domatet, priten tek bishti dhe u hiqet pjesa e brendshme.

Mëlçitë skuqen në një tigan të gjerë, u hidhen erëzat, kërpurdhat dhe domatet. Përzihen me verën e kuqe dhe me kremin e djathit.
Pasi të jetë bërë pak masë e trashë i hidhet pak lëng mishi bashkë me orizin (orizin mund ta zieni disa minuta që përpara). Lihet në zjarr të vakët për pak minuta.
domateve. Mbushin
Më pas masa i hidhet specave dhe domateve dhe vendosen në një tavë dhe u hidhet dhe lëngu i mishit.
Mos i mbushni plot, pasi orizi kur zjen hapet si me qenë në supë.

Domate dhe mëlçi dilte shumë e mirë. ende nuk e kam provuar specin e mbushur.

Role Patëllxhanësh

2007-11-01T01:49:00.001+01:00

Sa për hyrje, hera parë që e gatuaj këtë gjënë, dhe hera e parë që e provova, po dilte shumë shumë e shijshme.

Duhen:
patëllxhana (2 copë)
Proshutë e hollë
Krem Djathi
Chevre
Kërpurdha

Patëllxhanët prihen përsë gjati, dhe vendosen mbi kartopiceta.I hidhet kripë. I vihet dhe nje kartopicetë mbi, dhe lihen ashtu si perime pa perime për 1 orë e gjys a 2 orë.

Më pas skuqen në vaj ulliri rreth 3 minuta, sa të marrin ngjyrën e errët.

I shtrohet kremi i djathit. Sipër me delikatesë i vihet Proshuta dhe pak Chevre dhe pak Kërpurdha dhe rrotullohen dhe vihen në një tavë.

Unë kur nuk më rrinin mirë rolet i vija një fije proshutë sipër dhe sikur i lidhja më mirë. I hodha dhe pak salcë domate sipër.

Lihen në furrë me zjarr mesatar për 20 minuta.

Të ngrohta ishin shumë të mira. Tani po pres të ftohen dhe ti provoj të ftohta.

P.S. Eno..kjo ishte për ty, se mi bëre fiksim patëllxhanët. :)

Gjellë për të ngrohur shpirtin

2007-10-29T04:38:00.001+01:00

Ok, kjo gjella ime ( vazhdoj të kem dhimbje koke...kështu që bëj përzierje fantastike për shkak se nuk më punon truri).

Duhen:
Presh
Karrota
qepë e qëruar
2 thelpinj hudhra
bazilik
domate
oriz
barley
Mish
kripë

Zjehet mishi (me copa) dhe kripa. Ndërkohë pastrohen prasi dhe qepët, priten dhe skuqen bashkë me hudhrat në një tigan. I hidhen mishit. I hidhen gjithashtu dhe karrotat. Pasi të kenë zjerë mirë mirë i hidhet dhe nja 2 grusht oriz. Nuk kam vënë masa, se unë e bëra këtë gjellën për gjithë lagjen dhe për gjithë javën.

Lihen të zjejnë me zjarr të ngadaltë për shumë orë. 2 a 3.
Në një enë tjetër zihet barley (barley të lodh, se do shumë orë të ziejë) dhe pasi të ketë zjerë mirë e mirë, i hidhet gjellës.

Lihet dhe një orë për tu zjerë, dhe ndërkohë, do keni ngrëne bukë e më the të thashë, se kur ha kaq shumë kohë ushqimi të zë uria.

Tarte Putain

2007-10-29T04:28:00.000+01:00

Duhen:

6 mollë të qëruara
2 lugë sheqer
Ujë
Gjalp
dhe brum i përgatitur më mirë
Konjak

apo për brumin
1 kokërr vezë
2 gota çaj miell
2 lugë ujë të ftohtë
1 lugë sheqer
(brumi duhet të bëhet në një mixer të shpejtë jo me dorë. Përzihen të gjitha ato...shkurt, bukur, pa gabime)

Qërohen mollët dhe priten bukur (jo siç i pres unë...të dali ku të dali)dhe vendosen bukur bukur në një tavë të lyer me yndyrë..
Ngrohet furra tek 230 gradë.
në një tigan hidhet gjalpi dhe sheqeri dhe piqet sa të bëhet pak si karamel. Mund ti hidhni erëza si tip kanelle apo dhe arra...si ta doni. Unë nuk e dua kanellën (sidomos në sultiaç) kështu që nuk i hedh, po i hodha arra, dhe sikur ma rëndon tarte putain tim.
Kjo masa e sheqerit i hidhet mollëve dhe tava futet në furrë.

Lihet të piqet gjersa mollët të marrin një ngjyrë të errët.

Pasi të jenë errësuar mollët, i vihet brumi përsipër (i hollë) (seriozisht, më mirë blijeni të gatshëm) dhe lihet për 10 minuta (10 minuta....jo më shumë....).
Pra për 10 minuta, dhe HIQET nga furra!

Unë e harrova këtë dhjetë minutëshin....po nuk e harrova prsh dhe e hoqa pas 15 minutash....jooooo, e hoqa pas 40 minutash, kështu që ajo masa ime, doli gur dhe mollët qull.

nejse,

Hiqet nga furra dhe vendoset në një pjatë. Dmth kthehet mbrapsht tava dhe hidhet në pjatë.

Shërbehet e ngrohtë.

p.s. unë i hodha dhe konjak, se më pëlqen. SHërbehet me krem panna apo me akullore. Apo ashtu siç është. OSe nuk shërbëhet fare, dhe hahet aty siç është shpejt e shpejt,

Shegë

2007-10-26T06:41:00.000+02:00

Mish i grirë në furrë

2007-10-25T21:49:00.001+02:00

E para....mos provoni të gatuani kur keni dhimbje koke!!!!!!

Gatimi më i mirë do të ishte, 2 tylenol dhe nje gotë me ujë!

Përbërësit:

Mish i grirë
qepë të grirë, bukë e lagur, majdanoz, djath i bardhë
1 kokërr vezë
2 kunguj të qëruar dhe të prerë në rrathë(vertikalisht)
mozzarella
djath parmiggiano (kam akoma dhe për ca gatime)
verë e kuqe
salcë cranberry/rasperry

Qepët grihen në rende bashkë me bukën dhe djathin e bardhë. Përzihen me vezën (e rrahur) dhe me mishin e grirë.
Skuqen për pak minuta në një tigan.

Më pas vihen në furrë bashkë me kungujt dhe u hidhet dhe vera. Pasi te jenë pjekur për 25-30 minuta, i hidhet sipër mozzarella dhe parmiggiano, dhe gjithashtu i hidhet pak salcë e ëmbël (cranberry/rasberry) dhe më shumë verë.

Unë i kam qejf ku ka pak thyerje në diçka të kripur me pak të ëmbël, dhe kjo ideja e salcës së ëmbël, edhe pse duket shumë shëmtut, ishte e shijshme.

Tips: gatuajeni pasi iu ka ik dhimbja e kokës.... e shijshme po e shëmtut...

Supë me domate

2007-10-25T21:39:00.001+02:00

Unë mbaroj për supë domatesh. Sidomos në verë kur e shërbejnë të ftohtë.

Po siç e kam thënë, kur skemi lekë gatuajmë vetë. Ja si u bëka dhe kjo supa.

1 kuti me domate të qëruara

2 thelpinj hudhra

1 qepë shallots

Borzilok( Basilik...është borzilok?)

gjalp

Verë e kuqe

Në një tenxhere vendoset pak gjalp, dhe i hidhen hudhrat dhe qepa e prerë shumë imët.
Pasi të jenë skuqi i çik, hidhet masa që ka në kuti të domatave.

Lihet të ziejë për 10 minuta max, dhe më pas, merret nje mixer dhe hidhet gjysma e supës. Më pas gjysma tjetër, dhe ja iku dhe supa.
Oh....i vihet dhe baziliku

Unë i hodha dhe pak merlot, sa për shije.

Oh mi molle mi molle bukuroshe

2007-10-24T00:12:00.000+02:00

Situata e thjeshte: Stomaku bosh! Puna pa pune! Truri i lodhur! Me duhesh ti mi shpirt!!!

Boeuf Tartare

2007-10-22T23:36:00.001+02:00

Caution: This is not a vegetarian Dish!!!!!!

OK, kjo është nga pjatat e mia të preferuara. është shumë e thjeshtë për tu përgatitur.

150 gr mish të grirë
qepë në rende
një e verdhë veze
pak mustardë
Capers
Kripë,
bukë të thekur.

Kryesorja për këtë gatim (që nuk është gatim) është që mishi i grirë duhet të jetë i freskët. Pasi hahet i gjallë, dhe sa më i freskët aq më mirë. Gjithashtu, unë e fus për pak sekonda në ujë të përvëluar sa ti ngordh ndonjë bakterie.

I përzien të gjitha këto, merr bukën e thekur, e lyen me tartarin dhe ....oooo, çfarë qejfi!!!

P.S. nëse doni ta hani po keni dhe njerëz të tjerë në tavolinë, më mirë të pyesni në fillim, se nuk është ushqim që kapërdihet kollaj nga syri dhe mendja.

Jo vetëm buk po dhe KULAÇ

2007-10-20T06:02:00.001+02:00

Për inat të përtesës sime për te shkuar e blerë bukë, me një uri të madhe (që u ndërpre nga pickimi i brumit dhe birrës) iu futa përpunimit...për kulaç.

përbërësit:

Serge Gainsbourg...(në mendje)
2 vezë
Miell misri
Miell (ça është mielli i bardhë dhe i herë??((birra, birra me stomak bosh)) )
Kos
Pak ujë të ngrohtë
Kripë
Djath të bardhë të thërmuar
Djath Parmiggiano ( duket që këto ditë kam ble parmixhano prandaj...ngado fut hundët)
Pak piper
Majdanoz
Kërpurdha
Sodë Buke

Rrihen vezët me kosin dhe sodën e bukës.I hidhet mielli dhe pa u bërë shumë i trashë brumi (unë e ndaj në tre pjesë...se përtoj ta punoj të gjithin) i hidhen këto djthrat, kërpurdhat.

Lyhen me yndyrë.
Unë tani....i hodha parmixhano sipër, dhe pastaj i hodha oil spray,kështu që ngelet parmixhano, dhe njërës i vura dhe 2 djath sanduiçi ( se duhet ti hiqja qafe)

Tani po pres...se si do dalin...

PO duhet të shkoj të qëroj qepët e njoma!!!

Update...se skemi pas kohe...mos beni kulaç nëse jeni me dietë, se kulaçi është shkatarrues....gjithë kohës....rreth e rrotull tij, sikur të kishte ardhur "Dashnore+" ne shpi...tu i bë muhabet gjithë ditës.

Kjo foto këtu është htjehst pilaf me kërpurdha dhe qepë.

Pilaf me Pulë

2007-10-18T00:20:00.001+02:00

Pas gjithë këtyre ditëve që vetëm dëgjoj njerëz që hajnë pilaf me pulë...sot i erdhi dita.

Përbërësit:

Oriz (1 gotë)
2 kofsha pule
Qepë
3 arra
disa kokrra rrush
karrota
gjizë
kos
verë e bardhë
majdanoz
parmiggiano
djath sanduiçi
hudhra

Zjehet pula për qejf me gjithë karrotat.

Ndërkohë që zjen pula, prihet qepa (jo shumë e imët).Merret një tavë dhe lyhet me yndyrë dhe vihen qepët. I hidhen hudhrat, arrat e qëruara, rrushi, gjiza, karrotat e zjera dhe kripë e parmiggiano.
Mbi to vendosen kofshët e pulës dhe i hidhet pak parmiggiano sipër, majdanoz, 2 feta djath sanduiçi.Dhe i hidhet pak nga lëngu i pulës dhe verë e badhë.

Futet në furrë...dhe kontrollohet herë pas here. për 20'30 min do jetë gati.

Tani mund të bëni pilafin. (unë e bëj pa yndyrë). Hedh pak verë të bardhë në një tenxhere të vogël. Dhe pasi të jetë ngrohur mirë vera i hedh Orizin.

E përziej mirë e mirë, dhe më pas i hedh 2 gota me lëngun e pulës. Kripë dhe ndonjë erëz ( ca mkapi dora) dhe lihet në zjarr shumë të ulët.

Shoqërohet me kos.

Patëllxhana në furrë pa mish

2007-10-16T23:12:00.002+02:00

Pa mish....pa mish....nuk kisha mish...po kisha patëllxhana dhe domate dhe djath dhe nje kungull...kështu që doli diçka...që shpresoj të jetë e ngrënshme.

Përbërësit:
Patëllxhana
Kunguj
Domate apo salcë domate
Hudhra
Qepë
Djath i bardhë
Erëza

dhe një furrë e 2 tiganë.

Patëllxhanët dhe kungujt, qërohen nga pak dhe priten vertikalisht. Skuqen në tigan(jo digjen) dhe më pas (këtu është lodhja më e madhe) fshihen me piceta letre, që tu iki yndyra.

Në një tigan tjetër vendosen hudhrat dhe qepët. Skuqen për 2'3 minuta dhe hidhet salca.
Lihen në zjarr për 20 minuta duke i përzierë herë pas here.

Më mirë ti bëni të dyja njëkohësisht...se nuk është ndonjë qejf i madh ti rrish salcës tek koka për 20 minuta.

Më pas vendosen në nje tavë dhe i hidhet djath (skemi mish sot).Unë i vura dhe nja 3 të verdha veze që të shërbjnë si proteina. Dhe futen në furrë ( uuuuu ngrohet furra që përpara tek 170'200 celsius.
Tani pritet rezultati.

Ideja: Duhet mish...

P.s. Seriozisht, patellxhanet jane shume te mire...uaaaa....
P.s.Tjeter....kjo veza u dukerka shume e shpifme ne fotografi!

Petulla me misër

2007-10-14T04:19:00.001+02:00

Tani këto nuk janë tamam petulla....këto janë një përzierje e miellit me kos dhe vezë...dhe meqë mbaroi mielli...atëhere i hodha sipër pak miell misri....
Janë të shijshme kur je i uritur..

Kotoleta Qengji me Patate dhe salcë të bardhë

2007-10-14T04:09:00.000+02:00

Eeee, sot moti i vrenjtur kështu qëndrimi në shpi konsiston në gatime.

Përbërësit

6 patate të reja
2 kotoleta qengji
Tym
Marxhoram
Karrota
Verë e bardhë
pak vaj ulliri
erëza të tjera
Majdanoz
Pana
Limon
Hudhra
Pesto

Qërohen patatet dhe priten në formë kubike. Përzihen me pak vaj ulliri dhe me erëza dhe vihen në furrë. Herë pas here mund ti përzieni dhe ti hidhni pak verë të bardhë.

Merret mishi dhe përzihet me erëzat dhe me vaj ulliri.
Në një tigan të thellë në një zjarr mesatar vendoset mishi dhe lihet në pjekje gjeri sa të skuqet. Më pas i hidhet 1 gotë vere dhe disa karrota bashkë me disa kokrra piperi dhe lihet në zjarr për 20 minuta.

Në një tigan tjetër fillon përgatitja e salcës.
Hidhet pana bashkë me hudhrat e prera hollë në tigan me zjarr të vakët.
I hidhet një shot verë dhe pak pesto. GJithashtu i hidhet dhe lëngu i limonit.
Lihet në zjarr duke u përzier vazhdimisht përreth 7 a 8 minuta.

Oh...kjo ishte shumë e mirë....normalisht, mish qengji....

Kunguj kryq me gjizë

2007-10-14T04:05:00.001+02:00

Përbërit:

Kunguj
Gjizë
Kripë
Tym
Marxhoram
Djath i bardhë
Hudhra
Kastraveca

Kungujt qërohen dhe priten përsëgjati. Vendosen në furrë për tu pjekur. (rreth 20 minuta). Mundohuni mos ti digjni dhe ti ktheni sa knej anej.

Në një tas vendoset Gjiza dhe djathi i bardhe dhe përzihen gjersa të bëhet një masë e fortë. I hidhen hudhrat dhe kastravecat (të prera shumë hollë) dhe erëzat e tjera.

Pasi të jenë pjekur kungujt, merren 2 e nga dy, duke i vendosur në një formë kryqi dhe duke vendosur një masë nga gjiza e përpunuar në mes të tyre dhe më pas mbyllen.

Hmmmm, këto janë shumë të shijshme!!! Ma pret mendja që dhe me patëllxhana duhet të jenë shumë të mira....por kjo herës tjetër!!!

Sanduiçe të vogla

2007-10-14T03:56:00.001+02:00

Sanduiçet e vogla (tip Muffin) janë shumë të nevojshme për koktejle të ndryshme, apo në rastin tim...kur do të mbarosh miellin dhe vezët.

Përbërësit:
2 gota miell
1 gotë kos
2 kokrra vezë
Marxhoram
Tym
Kripë dhe erëza të tjera

Përzihet veza me miellin dhe me kosin, dhe i hidhen dhe erëzat.
Brumi ( që duhet të jetë paksa i hollë) vihet në një tavë specialisht për muffins.

Vihet në furrë (të ngrohur) për 12 minuta.

Ndërkohë që piqet buka, apo sanduiçet përgatiten përbërësit që duhen për ti mbushur.

Ullinj
Mozarella
Kastraveca
Djath i bardhë
Chevre aux herbes
Pastërma
Kos me erëza dhe me Pesto

Pasi të dalin nga furra, pritet horizonatalisht (jo e gjitha)

Unë për vete i bëra kështu:

I leva me kos me erëza dhe pesto,
dhe në një copë pasërmaje vendosa chevre apo djath të bardhë me gjithë ullinj. Dhe më pas i vendosa në sanduiçe.
Gjithashtu, mozarella me kastraveca dhe ullinj.

Ja fotografitë me i llaf.

Linguini me Pesto dhe Mish të grirë dhe Birrë

2007-10-12T00:35:00.000+02:00

Përbërësit:

Pasta Linguini (70gr)
Mish i grirë (80 gr)
erëza (jeshilliqe) të përziera me kos
Qepë Shallots
2 thelpinj hudhra
Pesto ( 2 lugë)
Kripë
dhe Birrë

vihet uji në zjarr dhe pasi të ketë zjerë i hidhet kripa dhe makaronat.

Në një tigan vihet mishi dhe pak birrë.
Më pas i hidhen qepët, hudhrat dhe erëzat e tjera , plus kripës.
Përzihen me zjarr të ngadaltë dhe i hidhet pesto.
Vazhdohet me trazimi, që pesto të shpërndahet bashkë me mishin.
Më pas hidhet sërish birrë dhe pasi të duket që mund të jetë e ngrënshme, i hidhen makaronat dhe lihen në zjarr për 2 a 3 minuta të tjera.

Rezultati .....o ça qejfiiiiiiii

Spinaqi....mishi i qengjit

2007-10-08T09:48:00.002+02:00

Hmmmmmmmmmmm

Qofte me Ton, Kunguj me Ton

2007-10-06T08:35:00.001+02:00

Kur nuk të hahet, të paktën...bëj një përpjekje...sa për stomakun.

Kështu pas shfletimit të shumë blogjeve dhe librave për kuzhinën dhe duke parë që nuk po më vinte uria....ika ne Aneks dhe vendosa të bëja diçka me çka më zinte syri.

Përbërësit:

+100 gr Ton
+20 gr perime
+2 feta djath të bardhë
+erëza (borzilok, kopër, majdanoz)
+qepë "Shallots"
+Një vezë
+pak miell
+pak thërrime buke

Eksperimenti NR.1

Toni përzihet me perime (nga kavanozi), qepë të prerë imtësisht dhe pak djath i thërrmuar. Përzihet me thërrimet e bukës.
Punohet pak me dorë që të marri të paktën një formë dhe i shtohen erëzat, dhe opaaa në Zjarr! Vetëm mos e digjni si puna ime ( unë i kam qejf të djegurat sido që të jetë)

Pas provës...Mmmmm të shijshme..

Ekperimenti NR.2

Një kungull, qërohet, prihet në feta ( mendoj që dhe horizontal do ishte mirë). Dhe Toni(përgatitja e njëjtë me eksperimentin e parë) futet si përbërës midis 2 feta kungujsh...tip sanduiçi.

P.S. Para se ti vendosësh në tigan mirë është që tonin ta lyesh anash e anash me thërrime buke apo miell që të mos prishet forma.

Kjo doli shumë e shijshme.
Eksperimenti Nr. 3

Thjesht...të njëjtën masë e leva me vezë dhe miell...dhe kjo e shijshme del, por unë do këshilloja këtë me kungull.

Sallata!

2007-10-05T04:58:00.000+02:00

Kështu është kur nuk ke ngrënë gjithë ditën dhe as nuk të shkon mendja për të ngrënë kështu që thjesht hallakatesh me gjërat më të thjeshta.

Sallatë Jeshile me Kërpurdha dhe Djath:

Sallatë jeshile
qepë të njoma
Taboule e ftohte
Karrota të vogla
Kërpurdhat
Djath të bardhë.
Pak Qershi të thata.

Asgjë e madhe...kërpurdhat dhe Djathin e bardhë ( të prerë në kubikë të vegjël) i pjekim për 4-5 minuta me pak borzilok. Pjekja bëhet meqë kjo si pjatë shërben si për hyrje, si për pjatë të parë, kështu e mira është të paktën të ketë diçka që e thyen freskinë dhe të ftohtin e sallatës.

Dhe Rrush me kos.

Dhe një cigare pas Bukës dhe pas 2 orësh gjumë!

Tri Ngjyrësh me Speca dhe Djath

2007-10-01T20:53:00.001+02:00

Përbërësit:

Tre speca me ngjyra të ndryshme ( kuq, verdhë, jeshil )

100 gram djath të bardhë ose më mirë "Chevre"
Vaj ulliri (4 lugë)
Uthull Balsamike
2 thela hudhre të shtypura
Erëza
dhe ca Crackers

Piqni tre specat ne furrë ose më mirë në tigan me zjarr të mesëm, pa vaj.
Pasi të piqen hiqini lëkurën dhe vendosini në nje pjatë me uthull Balsamike për disa minuta. Lëreni lëngun e tyre të përzihet me uthullën.

Futini në mixer një nga një, dmth veç e veç dhe hidhini pak nga uthulla dhe pak nga lëngu i tyre.

Në një pjatë tjetër vendosni djathin dhe hudhrat dhe përzijini mirë duke i hedhur pak vaj ulliri dhe me erëza.

Merrni 3 gota shotesh...
dhe vendosni me rradhë
1 shtresë me një nga specat
1 shtresë djathi
1 shtresë tjetër nga specat
1 shtresë djathi
1 shtresë tjetër specash

vendosini në frigorifer për 1 orë ose më shumë të mbuluara me qese.

SErviren si hyrje.

Duhet të vendosen në gota shoti se mua më dolën jo kaq të bukura. Foto po vjen....

Kush ma lepiu Gjalpin???

2007-10-01T20:00:00.001+02:00

Jo po ta di Moza që buka nuk lyhet vetëm me gjalp! ( ça gjalpi kishte ajo me kripë apo pa kripë? )
Një nga llafet e ardhura tek BukmeDjath... "Mos harro te keshillosh buke te thekur me uje sheqer, me kakao ose kafe siper, sipas mundesise"

Oqej

Buk me vaj dhe me uthull
buk me domate
Buk me Reçel
Buk me sheqer dhe gjalp ( si në kopsht)
Buk me Merenda , apo Nutella apo Kremçokollatt
Buk me paté
Buk me kripë deti
buk me buk
Buk me ujë+

Ajt ...se me mbaroi buka tani

Energji me Mish Viçi ditën e djelë

2007-10-01T04:36:00.001+02:00

OK...ditë e djelë...çdo gjë e ngadaltë...kështu dhe ushqimi është diçka që dhe s'para ta ka qejfi.

Dreka-Darka
Në fakt nuk ka asgjë për të shpjeguar...veç përbërësit janë për 2 persona

Hyrje dhe shoqëruese:
Djath Brie
4 feta bukë të thekura

Sallata:
Kastraveca, Sallatë jeshile, Karrota të vogla, Perime të zjera.

Me Uthull Balsamike të përzier me Borzilok dhe Lëng Limoni.

Salcë si puna e tzatzikit me speca( shpjegimi vjen më vonë)

Gjithashtu Sallatë patatesh të ftohta...(blerë të gatshme)
Mishi:

2 bërxolla ala Milanesa të pjekura me verë të bardhë dhe majdanoz.

Dhe ca Beatles :)

Birra???Birra

2007-10-01T01:53:00.000+02:00

Ok, se unë nuk para preferoj Birrat...por tani per tani...

Guiness!

në kërkim të Tennent's Scotch Ale!

Ndonjë birrë e zezë që ia vlen??

Kafe Turke

2007-09-30T10:47:00.000+02:00

Tani unë kam dëgjuar shumë metoda për kafen turke...
Unë e kam gjet timen

Sa për fillim e mira është të kesh nje xhezve bakri, pasi nxehet me shpejt dhe e jep me te shijshme kafen.
Sa për kafen është më mirë kur blen kafe të bluar e të freskët, sidomos kur i përzien 2 lloje...tip kafe të errët dhe kafe të çelur.

Unë e pij pa sheqer, kështu kafja ime nuk ka SHANCE të jetë me sheqer....dmth kafe ZEHER!!!

*2 lugë çaji Kafe
E përziejmë kafen në xhezve me pak ujë të nxehtë gjersa të shkrihet dhe më pas hedhim masën e ngelur.
(zakonisht mbushni gotën e kafes me ujë dhe hidhjani xhezves)

Vendosa në plitkë.....pas 2 minutash Kafja është gati!!!

Kujdes!!!
Kini parasysh të kini gjithmonë ndonjë filxhan të bardhë kafe për çdo rast kur dikush di të lexojë filxhan.

BUK me DJATH

2007-09-30T02:20:00.000+02:00

Për të shijuar më mirë bukën me djath...."Mos hani koren e bukës rrugës për në shtëpi!"
E mira për bukën me djath është që ta ngrofim ose ta thekim bukën sa më mirë!
Si...ta thekim bukën?
Ose futeni në furrë sa të piqet , jo të digjet...ose thjesht 3 minuta e gjysëm në thekse.

Ka rëndësi shumë gjalpi....ah gjalpi është i rendësishëm. Nuk duhet të jetë gjalp nga ata që rrinë si të shkrirë! Gabim!
Duhet gjalp që të jetë i ngrirë dhe kur të lyejmë bukën të shkrihet aty.
Sa për djathin e bardhë...zgjidheni vetë, por unë do parapëlqeja djath dele.

Mund ta shoqëroni me piper , kastraveca, qepë të njoma , salçiçe ose një gotë çaj mali kur bën ftohtë! ose ça të doni i herë...ose ça të keni në frigorifer!

E mira fare është të hani në nje tavolinë me mbulesë që më pas...të shkundni thërrimet!

Buk me Djath

Shalqi me djath

Barbunja

Domate me Djath

Pilaf me karkaleca

Darke per 0-2

Pilaf me Veze dhe Mish

Bukë Misri

Ali Baba

Bukë me gërsheta

Kala Dibronçe me Patëllxhana dhe Kunguj

Kek me rrush te thatë

Tavë Dimonçe

Lëpirëse Fshatare

Kunguj me salce Shege

Kadaif!

Buk e zez si prej Normandie

Ore Kungull!!!

pite me ton

Buk me Salmon

Topa Gorgonzole (lirë/shpejt part 2)

Lirë/Shpejt/ "Crab/Shrimp Cakes" part.1

Shttt!

Spinaq

Prapë buk???

Patëllxhana rrumbullak strumbullak

të reja

Tapenade

Pilaf me perime dhe mish qëngji

Pilaf me perime dhe mish qëngji

Ja pse kena qenë të zënë

Tarte Tatin

Trahana

Petulla

Gjellë me presh

Mish Viçi me salcë K.

Pain Au Lait

Qofte Kungujsh

Speca te skuqur me djath

Buk misri

Mus'haka *mos Mu Haka*

Salmon i pjekur në furrë

byrek më mirë kur i blen 200lek

Patate në furrë me djath dhe limon

Ndryshime ne Faqe

Speca dhe Domate të mbushura me mëlçi

Role Patëllxhanësh

Gjellë për të ngrohur shpirtin

Tarte Putain

Shegë

Mish i grirë në furrë

Supë me domate

Oh mi molle mi molle bukuroshe

Boeuf Tartare

Jo vetëm buk po dhe KULAÇ

Pilaf me Pulë

Patëllxhana në furrë pa mish

Petulla me misër

Kotoleta Qengji me Patate dhe salcë të bardhë

Kunguj kryq me gjizë

Sanduiçe të vogla

Linguini me Pesto dhe Mish të grirë dhe Birrë

Spinaqi....mishi i qengjit

Qofte me Ton, Kunguj me Ton

Sallata!

Tri Ngjyrësh me Speca dhe Djath

Kush ma lepiu Gjalpin???

Energji me Mish Viçi ditën e djelë

Birra???Birra

Kafe Turke

BUK me DJATH

Mus'haka mos Mu Haka